Nun mes de maio...

Cravos de ferrar - Horseshoe Nails

Colgante 3D. Chegou o verán - 3D Copper Pendant. Summer is here.

Sapo en cobre - Not-so-Traditional Copper Pendant

Para os que non coñezades a ourivería tradicional de Galicia, quixera falar un pouquiño sobre a orixe da súa peza máis característica, o sapo, que forma parte do aderezo do traxe de gala tradicional e que se elaboran con formas moi semellantes dende os séculos XVII-XVIII.

Non se sabe con certeza a razón dese nome tan curioso, sapo. Probablemente aluda á semellanza da textura coa pel do animal, ou mesmo poida que faga referencia ás formas acorazonadas dos sapoconchos. Sábese que tamén foi denominado "pelícano", seica nun intento de esquivar á Inquisición poñéndolle á xoia un nome co que habitualmente se aludía á paixón de Cristo.
 

As características formais dos sapos derivan dos petos, a peza máis distintiva das xoias empregadas pola nobreza dos séculos XVII e XVIII. "Peto" pódese tomar como denominación xenérica de distintas xoias (joyeles, brocamantones, alamares, rosas de pecho, etc), que tiñan en común o seren levadas á altura do peito. Algunhas delas, coma os "brocamantones", eran verdadeiramente grandes e adoitaban estar compostas por dous ou máis corpos que, en conxunto, formaban unha figura de triángulo invertido máis ou menos definido segundo os casos. 

"Joya de pecho" da colección do Victorian and Albert Museum de Londres, datada en España, arredor de 1750

Andando o tempo, esta xoia culta e cortesá foise popularizando e calou fondamente no imaxinario de distintas zonas da Península Ibérica, adoptando en cada lugar unhas peculiarides específicas. En Portugal son as "laças", en Castela-León e Extremadura, os "galápagos" e "tembladeras". Mesmo a "cruz" ou "joya" dos aderezos das falleras de Valencia, comparten orixe co sapo galego.

Os sapos tradicionais galegos son pezas formadas por varios corpos de filigrana, realizados en ouro ou prata ou cobre sobredourados. Consérvanse numerosos exemplares dos séculos XVIII e XIX en museos (Museo de Ourense, Museo do pobo Galego, Museo del Traje, Museo Sorolla, Colección da Spanish Society of America...) e máis en mans privadas, normalmente como resultado de herdanzas familiares. O que podedes ver na foto é o que se garda no Museo Arqueolóxico de Ourense.

Sapo galego, século XIX, prata sobredourada.

Na actualidade, numerosos ourives seguen a crear en Galicia estas pezas, algúns respectando completamente as súas formas máis tradicionais, e outros usando o concepto do sapo como base para novas creacións. Non podo deixar de vos recomendar que visitedes a páxina de Susi Gesto, quen, xunto coa súa irmá Leo, continúan coa tradición familiar elaborando marabillosas creacións coma as que ilustra a foto. 

Susi Gesto, prata e acibeche.

 

O sapiño que podedes ver ao inicio desta entrada é un deseño meu, inspirado nas formas tradicionais, e realizado segundo as técnicas máis artesanais do oficio. 

 

Cravos para catro amigas - Friends and Nails

Catro en un. 

Four in one.

Cobre e coiro - Black Leather and Copper

Coiro vexetal negro, cobre, pátina de lume.

Vegan black leather and copper with fire patina.

 

Colgante de cobre en foldforming - Foldforming Copper Pendant

Pequeno colgante en lámina de cobre conformado a man con técnicas de foldforming.

Hand crafted foldforming pendant. Copper.

 

 

Colgante "bordado" - Let's Pretend We Are Sewing

Eu teño algo coa costura. Evócame sensacións familiares, dáme tenrura. E paréceme unha cousa moi sensata para facer coas mans... Pero por sumar unha contradición máis, nin sei coser ben, nin atopo momento para desfrutar de facelo.

Pero o metal sei e podo. Entón estiven ultimamente a facer nunhas pezas que recollesen estes afáns... Algo de cobre, algo de latón, limas, soldadura e unhas cantas cousas máis e "cosín"

You know I have a thing about sewing. But, unfortunately, I can not sew very well and can not find a way of enjoying this activity. However, it brings to my mind some very pleasant sensations and, somehow, I find sewing a very sensible activity ;) Having these thaughts in mind I have been working lately in some pieces that evoke sewing and embroidering. I hope you like this fake embroidery copper pendant and thank you all for stopping by!

Amatistas, cobre e aceiro - Herringbone pendant

Cobre chapado, aceiro e amatistas. Cada elemento vai "tecido" a man. É laborioso e delicado, pero o resultado creo que paga a pena.  

 

Herringbone pendant, made out of plated copper wire, stainles steel and amethysts.

A serpentina, miña nai , etc. - Serpentine, my mother, etc.

Hoxe cumpro anos. Uns cantos xa. Non acostumo facer festa e, como eu non teño ningún recordo do día en cuestión, sempre penso que a quen habería que felicitar sería ás nais, quen si viviron a experiencia de xeito consciente.

Por isto hoxe parece bo día para vos ensinar este pequeno presente que fixen para miña nai. É un conxunto de anel, pendentes e colgante, feito en cobre, con detalles de prata e de ouro. As pedras son unhas serpentinas que ela mesma trouxo hai xa bastantes anos dunha viaxe a Irlanda. 

 

 
Este é o colgante. Leva detalles en prata de lei e mide uns seis cm. A cadea tamén está feita por min elo a elo, e é bastante longa, aproximadamente tamaño ópera (por embaixo do peito).
 

 

Creo que onde máis loce a pedra é no anel, onde parece integrarse á perfección coa trenza de cobre. É unha pedra moi branda, e de feito, quedoulle unha pequena desigualdade na esquina superior dun dos brincos. Pero non tiña máis serpentinas: ou era esa ou non era ningunha. 

Espero que vos guste (aínda que sexa a metade do que eu sei que lle gustou a ela), e graciñas a todos por vos pasar por aquí!

 

 Today is my birthday. I do not remember anuthing about that day, but my mother sure does. Mothers remember a lot of things! So maybe we should congratulate them as well. This is a set I made for her out of copper, silver, gold and some serpentine stones that my mother bought in Ireland many years ago.

Moucho - Wirework Owl Pendant

Enredando o tempo algunha tarde apareceu este moucho de cobre esmaltado. Parece un tipo simpático.

A simple wirework owl, improvised just for fun during one of the many craft shows that we attended during July.Seems like a nice guy.

Un pequeno descanso - A Little Break

Xa vos comentei a semana pasada que me ía ir uns días de viaxe. Non sei exactamente cando volverei, pero ate daquela non estarei para atender a páxina nin os vosos correos. Para este tempo de pausa, pensei en deixarvos unhas fotos de pezas (todas feitas por min) nas máis diversas técnicas e materiais, e que só teñen unha única cousa en común: son so deseños dos que non tiven gañas de me desfacer, ou que se atoparon unha nova dona, acabei por facer unha versión para min. Noutras palabras: son algunhas das cousas que quixen conservar para min. Máis dunha vez estiven a lle dar voltas a como facer para lle preguntar ás compañeiras blogueiras que fan este tipo de cousas, cales son as pezas coas que verdadeiramente se quedaron. Como iso parece un pouco lioso de organizar, vou comezar por vos ensinar as miñas.

Con todo, teño que dicir que non son persoa de andar con moitas xoias enriba. Demasiado nerviosa para levar aneis e demasiado descoidada para levar pulseiras... Non levo pendentes porque nunca tiven burato nas orellas, e cos pendentes de clip teño o mesmo problema que con aneis e pulseiras. En consecuencia, o que mellor aguanto son os colgantes, digan o que digan as tendencias, que xa sabedes que levamos un par de anos de pescozos libres e parece que aínda nos quedan algúns máis.

Pois aquí vos deixo parte das pezas que de algún xeito máis se acomodaron a min. Querédesme dar a vosa opinión sobre cal preferides? Ou apetécevos ensinar os deseños que fixestes e dos que non vos puidestes desprender? Pois deixádeme un comentario, ou mandádeme un e-mail, e en canto estea de volta miramos de compartilo!

I have already told you that I was going to spend some days in Italy. I am leaving this week, and that means that I am not going to answer your mails or read your comments on this blog. Anyway, I promise I will be back as soon as I can! In the meantime, I would like to share with you a bunch of pics of jewelry pieces (all of them handmade by me), made with very different techniques and materials. They have only one thing in common: are some of the designs I kept for me over the years. I have to admit that I am not a jewelry-type of person: too nervous to wear rings and bracelets... I think I would be able to wear earrings, but I have never got my ears pierced... These are the reasons why you are going to see mostly pendants, although the fashion trends have been going in another direction for the past two years (oh, these naked necks, how sad they look...lol). Hope you enjoy the pics, and tell us wich one is your favourite! By the way, the pic under these lines is the only piece of jewelry that I am wearing while I write this. I think I would be ashamed, but it feels really comfortable ;) I hope you enjoy the next weeks and that I will find you here around again when I come back!


E para terminar, confésovos cal é a única cousa que levo enriba mentres escribo isto. Vergoña me debía de dar ;). Non sei como me acostumei a andar con esta tiriña de coiro con remaches, pero xa levo uns catro meses con ela, sen a sacar de enriba. Ai, que raras somos as persoas!  Espero que pasedes uns días estupendos, e que sigades aí en canto poida voltar!

Variacións celtas - Variations on Celtic Visions

De volta aos elos cuns ensaios sobre unha trama de malla moi interesante e que admite moitas pequenas variantes. Chámase Visións Celtas (os nomes non os poño eu, que conste) e produce un efecto máis complexo do que en realidade é. Nas fotos podedes ver dúas unidades, feitas en cobre esmaltado e aceiro, e que creo que van ir para colgantes, non sei moi ben aínda...

Colgante de cobre e estaño - Copper and Pewter Pendant

Hoxe quérovos ensinar este colgante, que a min me gusta especialmente, e ao que lle teño moito cariño. Está feito en cobre esmaltado e estaño. O reto e a dificultade da peza estaban, por suposto, en realizar en estaño a forma helicoidal que pendura das flores de cobre. Finalmente, despois dunha chea de intentos sen éxito, conseguín finalmente que o estaño adquirira a dureza necesaria que permitise levar a peza á súa forma definitiva. O resultado pagou a pena, e no pescozo, produce un efecto espléndido. Espero que a vós tamén vos guste!

Colgante sin concesións - No Concessions Pendant

O meu gusto persoal acostuma a ser bastante austero no tocante ás cores, aínda que de cando en vez tamén sexa divertido ceder a unha certa exuberancia... Pero en xeral, as miñas predileccións acostuman ir cara ao monocromo. Por iso estou particularmente satisfeita da impresión estética deste colgante, realizado en fío de prata 925 e que, como vedes, non fai concesións: formas recorrentes e ausencia de cor. Aínda non decidín que tipo de cordón ou cinta lle vou poñer, quizais unha cinta de organza negra, quizais coiro negro, non sei. Admito suxestións ;) Polo de agora vou traballando no deseño dunha pulseira co mesmo motivo, que xa vos ensinarei no seu momento...

No colour, no risky shapes: plain recurrent curves in silver wire.

Colgantes do verán- Summer Pendants

Quero rematar hoxe a serie "recopilatoria" deste verán, co capítulo máis difícil de todos, o dos colgantes e colares. Todos sabemos que está a ser unha época verdadeiramente complicada para calquera das cousas que se poidan levar ao pescozo. En breve: non se levan... Non hai máis que se lembrar, por exemplo, desa cerimonia dos Oscar, con eses pescozos absolutamente descubertos...

As modas, ás veces, tardan en chegar aos Fisterras, pero chegar chegan, e vanse metendo no noso inconsciente, a miúdo sen nós nos dar conta nin desexalo. E o caso é que ademais, despois tardan máis en se diluír que nos centros verdadeiros da creación de tendencias. Con todo iso, o máis probable é que que nos agarden aínda un par de tempadas moi pouco dadas aos colgantes. E eu síntovolo ben, que o pescozo é o único lugar onde soporto levar algo colgando...

All of us know that it is not a good time for necklaces or pendants. Do you remember all those nacked necks in Oscar ceremony, for example? My guess is that we are still going to have a couple of "necklace-free" seasons... However, there were some brave girls during summer who dared to swim against the tide and bought from me some necklaces and pendants. I would like to dedicate this post to them ;)


Pequena estrela de malla en cobre esmaltado. Enameled copper chainmaille star.

Colgante en espiral de cobre esmaltado e esmalte. Enameled copper and nail polish pendant.




E unha das poucas pezas que quedaban da serie Metal-gami, que xa coñecedes os que me seguides: origami (papiroflexia) en metal.  And a pendant from my Metal-gami Collection, already known by my followers: origami whith metal sheets.

Colgante Stepping Stones - Stepping Stones chainmaille pendant

Despois dun pouco de descanso do traballo con cadeas, un encargo volveume traer ao mundo das arandelas... Neste caso, trátase dun colgante realizado en cobre esmaltado de 0.7 e 1.4 mm. A trama chámase Stepping Stones, (que nin a inventei eu, nin lle puxen eu o nome ;) e é da familia das tramas xaponesas. Como todas as desta familia é bastante fácil ver como hai que armalas, pero un titorial sempre axuda!! Premendo aquí veredes un paso a paso en inglés desta trama de malla. Espero que vos guste e, sobre todo, espero que lle guste á futura dona!

E cambiando de asunto, cóntovos que este fin de semana volvo ter mercado, desta vez na Festa da Istoria de Ribadavia. É unha celebración declarada de interese turístico nacional e é unha oportunidade tan estupenda coma outra calquera de ir visitar esta vila e a súa contorna. En serio que merece a pena. E vaia, se vos achegades por aló, podedes aproveitar para virme ver a min, que sempre se agradecen as visitas...