Colar - Necklace

Brincos e gargantilla Ancares

Cobre e prata.

Copper and sterling silver.

 

 

 

Gargantilla de cobre - Copper necklace

Xuntas diferentes calibres de fío de cobre, tratados cada un por separado con pátina de lume para buscar o contraste entre as liñas, e fas unha gargantilla. E, case sen querer, aló vai outra tarde da túa vida... nunha gargantilla... 

 

Que cousas ten a vida...

Colar en malla de cobre - Chainmaille Copper Necklace

Pois aquí estamos unha semana máis, enredados en arames, facendo mil cousas ao mesmo tempo e coa cabeza en moitos asuntos, algúns imaxinarios e outros non tanto ;) Pero sexa como sexa, non pasa da próxima semana que vos presente a miña nova serie de pendentes.

Mentres preparamos esa presentación, quérovos ensinar hoxe un colar de malla de cobre que xa fixen hai un par de meses. Emprega trama Europa 4-1 e cadeas 1-1 para compoñer un deseño de estilo moi victorián, que resultando elegantísimo, segue a ser unha peza espectacular que chama a atención. Xulgade vos mesmo e decídesme que vos parece ;)

Xa non me lembraba, este colar viuse na TVG hai unhas semanas no programa A Solaina, que nos viñeron visitar ao Mercado Entre Lusco e Fusco, e a xornalista quedou fascinada con el. A ver se nestes días busco que día concreto que viñeron e vos poño a ligazón do vídeo onde aparece o colar!

A chaqueta é de Zara, o colar, de Asuntos Imaxinarios

Colgante de cobre e estaño - Copper and Pewter Pendant

Hoxe quérovos ensinar este colgante, que a min me gusta especialmente, e ao que lle teño moito cariño. Está feito en cobre esmaltado e estaño. O reto e a dificultade da peza estaban, por suposto, en realizar en estaño a forma helicoidal que pendura das flores de cobre. Finalmente, despois dunha chea de intentos sen éxito, conseguín finalmente que o estaño adquirira a dureza necesaria que permitise levar a peza á súa forma definitiva. O resultado pagou a pena, e no pescozo, produce un efecto espléndido. Espero que a vós tamén vos guste!

Colar de no Pipa - Pipa Knot Necklace

Hoxe quérovos ensinar un colar que fixen xa hai algún tempo, pero que creo que aínda non o publicara. Sei que algúns de vós xa coñecedes, pero seguro que non todos... Este colar foi un deseño bastante complexo, con moito traballo previo sobre papel, e, aínda así, con moitos cambios sobre a marcha. É dicir, que foi un traballo laborioso, deses que é durante o proceso de elaboración requiriron quedar en repouso días ou semanas mentres a imaxinación e o lapis acababan de axustar a súa forma imprescindible.

Forma imprescindible? Si, ás veces as cousas teñen forma imprescindibles, que só recoñeces cando as atopas. Nese momento, sábelo: si, iso era o que buscaba sen saber que buscaba. É unha especie de revelación ;)... Ou quizais non sexa mérito do creador, senón que acaso se trate da súpeta manifestación da vontade estética dos materiais... Ups, como se me vai a pinza ;)

Esta é a peza. Está realizada en cobre esmaltado, cobre natural, doas de vidro e perlas. É un deseño de inspiración victoriana no tocante á forma, e que emprega como filigrana central unha roseta de nós chineses, os nós Pipa. Asegúrovos que posto é absolutamente espectacular...

This necklace, made out of enameledd copper, copper, freshwater pearls and glass beads, went under a long journey of paper sketchs and changes of mind before achieving the final shape. It a design inspired in victorian style necklaces, with a rosette of four chinese Pipa knots as a center piece. Hope you like it!

Colgantes do verán- Summer Pendants

Quero rematar hoxe a serie "recopilatoria" deste verán, co capítulo máis difícil de todos, o dos colgantes e colares. Todos sabemos que está a ser unha época verdadeiramente complicada para calquera das cousas que se poidan levar ao pescozo. En breve: non se levan... Non hai máis que se lembrar, por exemplo, desa cerimonia dos Oscar, con eses pescozos absolutamente descubertos...

As modas, ás veces, tardan en chegar aos Fisterras, pero chegar chegan, e vanse metendo no noso inconsciente, a miúdo sen nós nos dar conta nin desexalo. E o caso é que ademais, despois tardan máis en se diluír que nos centros verdadeiros da creación de tendencias. Con todo iso, o máis probable é que que nos agarden aínda un par de tempadas moi pouco dadas aos colgantes. E eu síntovolo ben, que o pescozo é o único lugar onde soporto levar algo colgando...

All of us know that it is not a good time for necklaces or pendants. Do you remember all those nacked necks in Oscar ceremony, for example? My guess is that we are still going to have a couple of "necklace-free" seasons... However, there were some brave girls during summer who dared to swim against the tide and bought from me some necklaces and pendants. I would like to dedicate this post to them ;)


Pequena estrela de malla en cobre esmaltado. Enameled copper chainmaille star.

Colgante en espiral de cobre esmaltado e esmalte. Enameled copper and nail polish pendant.




E unha das poucas pezas que quedaban da serie Metal-gami, que xa coñecedes os que me seguides: origami (papiroflexia) en metal.  And a pendant from my Metal-gami Collection, already known by my followers: origami whith metal sheets.

Colar de malla - Chainmaille choker

Hoxe quería deixar aquí anotadas unhas cousas.

O primeiro, e moi importante para min, é agradecer a constancia de todos os que seguides esta páxina, os vosos ánimos, as palabras de apoio nos comentarios e nas mensaxes privadas, e tamén eses piropos esaxerados que me botades ás veces (serán esaxerados, pero para que enganarnos, animar, animan ;). Creo que teñen especial mérito aquelas persoas non galegas que se esforzan a diario por me ler e me entender. Sacar adiante unha páxina nunha lingua minoritaria é complicadísimo, e facéndoo, sei que renuncio a gran parte dos posibles lectores. Por iso agradezo especialmente a compañía dos que non entendedes galego. Por riba, nestes momentos non teño tempo para a tradución ao inglés... Claro que, por outra parte e como xa vos puidestes dar conta, era completely made by me, co que non sei se non era peor o remedio que a enfermidade....

Tamén quero mencionar ás persoas que me vou atopando en distintas mostras e feiras. Sen o apoio de uns, as palabras eloxiosas doutros e as compras e encargos doutros tantos, todo isto non sería posible. En consecuencia, a miña vida sería máis triste (pero por outro lado tería algo de tempo libre algunha vez, jajjaja)...

E finalmente, queríavos pedir desculpas por non ter actualizado o blogue tanto como me gustaría e mais por non poder devolver a visita ás páxinas tan alucinantes que teñen moitos dos seguidores desta. Espero que en breve todo volva á normalidade ;).

Resumindo: grazas por estar aí, por participar e por compartir.


Como tampouco teño tempo para facer fotos das cousas novas, déixovos unhas imaxes dunha peza do ano pasado e que xa hai meses que foi adquirida (ía para os EE.UU). É un colar realizado en cobre esmaltado e aluminio negro. Está construído con seccións da trama Europa 4-1 en forma de diamante e mais unidades Moebius. Posto, tiña un aspecto máis clásico que nas fotos e resultaba un complemento moi consistente, que non requiría máis que unha blusa branca para atraer todas as miradas.







Onte olvideime, pero completo hoxe a entrada... É que o colar levaba uns pendentes a xogo... Aí os van:

Nó de entrelazo - Copper celtic knot

Colar de cobre, aceiro, vidro e algodón. Foi un encargo de alguén que desexaba un colar que tivese un certo estilo celta. Eu non son demasiado amiga deses tópicos, pero creo que conseguín un certo equilibrio entre a influencia dos entrelazos e un estilo moi poñible e actual. O caso é que á dona encantoulle e así estamos todos felices ;)

Copper, steel, glass and cotton necklace. It is a bespoken piece for someone that asked for a celtic style necklace. I do not rely too much on these clichés, but I think I have achieved a suitable balance between the celtic aesthetics and a an up-to-date style. And what is more important: the new owner of the necklace is very happy with it, and that could not make us happier ;)

Colar de cobre - Copper necklace

Dende hai un par de días ando un pouco decepcionada con certos asuntos, asique vou pasar directamente ás fotos deste colar de cobre, así non falo demais...Este tamén é deses que leva moitas horas facer, pero que ao final, cando o tes entre as mans, paga moito a pena ;). Due to some disappointing issues that happened recently, I'd better go directly with the pics of this nice copper necklace, in order to do not let it slip out...

Colar e pendentes de cobre - Copper set

Conxunto de colar e pendentes en cobre esmaltado. Sempre menciono o cobre esmaltado e nunca explico o que é... Pois évos un cobre de entorno ao 99% de pureza (segundo a norma UNE 20 003) recuberto dunha capa de verniz sintético que protexe o cobre facendo que non mude a súa cor, conserve o brillo sen precisar limpeza e non manche a pel.

Necklace and earrings set made out of enameled copper wire. Enameled copper wire is a round 99% purity copper wire, covered with a thin coat of synthetic varnish, that protects copper avoiding rust and preserving its shine.

Gargantillas - Traditional trimming chokers

A miña aboa era costureira, unha moi boa costureira. Sempre estaba rodeada de multitude de caixas, bolsas e paquetes, que, cando eu era pequena (e non tan pequena) me parecía que gardaban os tesouros máis sorprendentes: botóns grandes e pequenos, cremalleiras de todas as cores, cintas, apliques, corchetes... E por suposto, todo tipo de telas. Lamentablemente, non herdei dela a súa habilidade para a costura, aínda que quizais si me regalara a paciencia para facer cousas coas mans.

Un deses tesouros que sempre me fascinaron é a pasamanería e os abelorios que se empregan na confección do traxe tradicional galego. Por iso un día me puxen a buscarlle outra aplicación a todos eses metros de marabillosa pasamanería que ela deixou. Esta é a historia detrás das gargantillas e pendentes que vos quería ensinar hoxe.

My grandmother was a seamstress, and a very good one indeed. She was always sorrounded by a plenty of boxes and bags containing what, as I was a child (ok, I admit, not only when I was a child) semmed to me the most amazing collection of surprisingly treasuries: buttons, zippers, ribbons, appliques, clasps... And of course, all kind of fabrics. Unfortunately I did not inherit her mastery of sewing but maybe she thaught me the patience needed for making things with my own hands. One of these treasuries was the trimmings used in the galician tradicional costume. These are very characteristic trimmings, often with jet stone inlays and wonderful designs always in black. Therefore, one day, I decided that maybe they could deserve another use. This is the history behind the choker and earrings that I am showing you today.

Colar en cobre - Wirework copper necklace

Hoxe queríavos ensinar este colar que fixen xa hai un par de meses. Se me acordo del, aínda penso que me seguen a doer os dedos... Está feito en cobre esmaltado, aceiro inoxidable e cordón de algodón. É unha peza moi espectacular, desas para levar cun bo escote...

Today I will show you a necklace that I made two months ago. When I remember this piece my fingertips still hurt... It is made out of enameled copper wire, stainless steel and cotton cord. The necklace is a quite dramatic piece, perfect for wearing with a low-cut neckline...

Colar de cobre - Copper necklace

Ao intentar poñer un pouco de orde entre os arquivos do ordenador, atopei estas fotos dun dos primeiros colares completos de cobre que fixen. A verdade é que xa non me lembraba del, e co "éxito" que tivo no seu momento e o elegante que resultaba levándoo posto, pensei que tamén podía merecer unha lembranza.

Está realizado en cobre esmaltado e doas de vidro e, por suposto está completamente feito a man, mesmo ese peche tan curioso (é que agora fáiseme raro).
Trying to get some order in my laptop files I found these pictures of one of the first complete necklaces I have ever made. It was good to remember this necklace, because it was very elegant and at that time turned out to be very successful. Therefore, I thought that maybe it was worth to mention it here. It was made (handmade, of course) out of enameled copper wire and glass beads. Take a look at the funny clasp:

Europa 4-1

 Aí atrás faleivos das familias de tramas de malla. Hoxe quérovos mostrar máis en detalle unha delas, Europa. É unha das tramas máis básicas e comúns, sobre todo na elaboración de cotas de malla. Empregábase dende a Antigüidade con este fin, polo relativamente sinxelo que é converter unha cadea nunha forma de lámina ou folla que permita "confeccionar" hauberks, almófares, e outro tipo de proteccións corporais.

A máis habitual e tradicional das variantes desta trama é a chamada Europa 4-1. O nome fai referencia ao modo de construción do nodo básico da trama: introducir catro elos nun (vaia, meter catro elos pechados  nun aberto). Xa nos tempos máis recentes, comezaron a se empregar outras variantes, Europa 6-1, Europa 8-1, etc. Coma no caso anterior, os números destes nomes refírense á técnica de construción: introducir 6 arandelas nunha, oito nunha, etc.

Na rede podedes topar varias guías sobre o método exacto de construción desta trama. En inglés (as fotos falan case por si mesmas) recoméndovos a exhaustivísima páxina de M.A.I.L, onde hai tamén guías doutras moitas tramas. En castelán, a miña suxestión é a páxina de Julio del Junco, onde podedes topar dende o método básico de construción ate patróns para a confección de cotas completas. 

Some days ago I posted about chainmaille weave names. Today I would like to comment one of the most basic and common one, Europe. This weave was used for centuries in chainmaille armour. You can find many Europe variants, but the most common and traditional is the one calle Europa 4-1 (the numbers refer to the construction method of the basic node of the weave: introducing four rings in one). More recent aditions are other Europe variants: Europe 6-1, Europe 8-1, etc (the numbers refer also to the amount of rings introduced in one: six in one, eight in one). You can find online many tutorials on the construction method of Europa weave. My advice: the most comprehensive collection of chainmaille tutorials: M.A.I.L.

 
Agora póñovos uns exemplos de como temos empregado nós esta trama:

Different uses of theis weave in our work:

  

Colar de cobre esmaltado - Enameled copper necklace (vendido - sold)

Na base desta pulseira-anel - In this handflower

Para o cabuxón desta canica - For setting this big glass marble