Brincos en fold forming - Fold Forming Earrings

Unha das técnicas ás que máis voltas lle ando a dar ultimamente, é o foldforming. Ignoro se existe un nome en galego para a técnica, pero viría sendo algo así coma "dar forma mediante dobras", ou cousa semellante. O foldforming ofrece unha chea de posibilidades, e son todas moi interesantes, porque permiten xerar tridimensionalidade de xeito abondo accesible para calquera, empregando só ferramentas comúns.

A técnica ten unha historia curiosa. Comezou con ela, aló polos anos oitenta do século pasado, un artista americano chamado Charles Lewton-Brain. Cousa curiosa, está acreditado polo British Museum coma o único novo  tratamento técnico do metal inventado dende a antigüidade, xa que non se coñecen mostras anteriores desta técnica, nin restos arqueolóxicos. Lewton-Brain é o autor da "biblia" do foldforming, e ademais ten a xenerosidade de compartir en internet unha chea de artigos e informacións interesantísimas sobre a técnica.

Aquí vos deixo un exemplo sinxeliño de fold forming, uns brincos de cobre, con aceiro e perla natural. 

Foldforming, is a technique originally developed by the silversmith Charles Lewton-Brain in 1980. The British Museum certified that foldforming is a completely new technique in the history of metal working. Through Fold forming you can add a third dimension to metal sheets easily.. These earrings, one of the easiest shapes to make with fold forming, are made out of copper sheet, stainless steel and freshwater pearls.