miércoles, 28 de septiembre de 2011

Turismo

Volvendo do mercado do festival Reperkusión en Allariz a semana pasada, aproveitamos para facer un pouco de turismo pola provincia de Ourense, co que unha viaxe que leva pouco máis de dúas horas, a nós levounos dous días! Asegúrovos que pagou a pena e teríame gustado poder alongar o percorrido aínda un pouco máis. Déixovos unhas mostras de cousas grandes e pequenas que me emocionaron.

O entrelazo na colexiata de Xunqueira de Ambía:



Os lobos e aves devora-homes de Allariz:



Os canóns do Sil:




A pedra e o mármore galego de San Estevo de Ribas de Miño:



E, como non, a chamada "viticultura heroica" das ribeiras do Sil (o que hai plantado son vides e para que vos fagades unha idea do tamaño, a "cinta" gris da parte superior da foto, é a estrada):

domingo, 25 de septiembre de 2011

Fin de tempada

Parece que finalmente remata o verán, aínda que hoxe volve haber un sol espléndido. Foi unha tempada intensa, na que participamos en moitos mercados en diferentes sitios e compartimos xornadas de sol e de choiva cunha morea de xente. Estivemos, por exemplo, no Carballiño, en Marín ou na Coruña e asistimos a festivais coma o Foundation Reggae Festival de Miño ou o Reperkusión de Allariz, que aínda foi a semana pasada, e probablemente será o último mercado desta tempada fóra de Santiago. A maior parte deles foron fantásticos, aínda que tamén houbo desastres radicais (sobre todo por cousas do clima ;).

Estas son algunhas das imaxes do noso posto en distintos sitios:








A partir de agora, intentarei retomar o ritmo do blogue mentres vou acabando cos novos deseños para este outono. Espero que sigades a estar aí ;)
Related Posts Plugin for WordPress, Blogger...