Broche de botóns - Button Brooch

Estou a ter un fin de semana un pouco "crafty", en parte, porque, por fin CHOVE! E cando chove, dá gusto quedar na casa e sentir a auga a bater nos cristais...

Pois este sábado, estaba a buscar un xeito de facer un broche sinxelo, porque para esta semana quería ter algo de cor vermella para poñer nunha chaqueta, e de súpeto, lembreime dun titorial de Craftypod que vira tempo atrás na rede (está aquí). E víñame perfecto, porque quería algo simple e ademais non me quería complicar buscando materiais. Como este era un broche de botóns, estaba completamente segura de que debía ter varios botóns colorados no meu bote de botóns (que xa debe pesar un quilo como mínimo)! E así era. O broche é facilísimo de facer e tardase moi pouquiño.

Aínda que non seguín o titorial da creadora para facelo, si busquei un efecto estético parecido e creo que me quedou bastante simpático. A ver se vos gusta o resultado!